Stanislav Cherchesov, landsliðsþjálfari Rússa, var leikmaður á sama tíma og Fernando Hierro, landsliðsþjálfari Spánverja.
Rússar mæta Spánverjum í 16-liða úrslitum heimsmeistaramótsins í dag og minnist Cherchesov þess þegar hann mætti Hierro í 8-liða úrslitum Meistaradeildarinnar 1991.
Cherchesov lék þá fyrir Spartak Moskvu og var Hierro leikmaður Real Madrid, en Rússarnir komu öllum á óvart og slógu Real út með 3-1 sigri á Santiago Bernabeu.
„Hierro var stórkostlegur knattspyrnumaður og í dag er hann stórkostlegur þjálfari. Ég man eftir honum sem leikmanni. Það hefur lítið breyst, Spánverjar voru sigurstranglegastir þá og eru það einnig í dag," sagði Cherchesov fyrir leikinn.
„Hér í Rússlandi segjum við alltaf að ekkert er ómögulegt. Við afrekuðum hið ómögulega 1991 og núna fáum við tækifæri til að endurtaka leikinn."
Athugasemdir