Lið ársins í ensku úrvalsdeildinni hefur verið opinberað. Sex leikmenn í liðinu koma úr röðum Man City, tveir frá Man Utd, tveir frá Tottenham og einn frá Liverpool.
Í markinu er Ederson markvörður Man City. Hann vann einnig gullhanskann, annað árið í röð, hann hélt markinu 19 sinnum hreinu. Í vörninni eru svo leikmaður ársins, Ruben Dias, John Stones og Joao Cancelo leikmenn Man City og Luke Shaw leikmaður Man Utd.
Á miðjunni eru Kevin de Bruyne og Ilkay Gundogan frá Man City og Bruno Fernandes frá Man Utd.
Kevin de Bruyne er í liðinu annað árið í röð en hann skoraði 6 mörk og lagði upp tólf í aðeins 25 leikjum. Gundogan hefur aldrei skorað eins mikið yfir eitt tímabil eða 13 mörk. Bruno var frábær á sínu fyrsta heila tímabili með Man Utd en hann skoraði 28 mörk og lagði upp átján í öllum keppnum.
Harry Kane og Heung-Min Son leikmenn Tottenham eru í fremstu víglínu ásamt Mohamed Salah leikmanni Liverpool. Salah skoraði 22 mörk, einu marki minna en Kane sem fékk gullskóinn. Son var með 17 mörk og lagði upp 10.
Athugasemdir