Alan Shearer hefur valið lið vikunnar í enska boltanum. Shearer er markahæsti leikmaður í sögu ensku úrvalsdeildarinnar en hann lék með Newcastle, Southampton og Blackburn á sínum ferli.
Shearer bregður aðeins út af vananum en hann ákvað að velja aðeins leikmenn Leicester í liðið.
Leicester vann 1-0 sigur á Cardiff, viku eftir að eigandi félagsins, Vichai Srivaddhanaprabha, lést í þyrluslysi fyrir utan leikvang félagsins. Fjórir aðrir létust einnig í slysinu.
„Að spila undir svona erfiðum kringumstæðum og vinna svo Cardiff til heiðurs Vichai Srivaddhanaprabha, það verðskuldar að vera lið vikunnar hjá mér," sagði Shearer.
Lið vikunnar hjá Alan Shearer: Kasper Schmeichel, Ricardo Pereira, Wes Morgan, Harry Maguire, Ben Chilwell, Marc Albrighton, Nampalys Mendy, James Maddison, Wilfred Ndidi, Demarai Gray og Jamie Vardy.
Athugasemdir