Rúnar Már Sigurjónsson var ánægður eftir 1-0 sigur Íslands gegn Albaníu á Laugardalsvelli í dag í undankeppni Evrópumótsins.
Rúnar Már var í byrjunarliðinu en fór af velli undir lok leiks fyrir Arnór Sigurðsson.
Rúnar Már var í byrjunarliðinu en fór af velli undir lok leiks fyrir Arnór Sigurðsson.
Lestu um leikinn: Ísland 1 - 0 Albanía
„Ég er fínn. Ótrúlega en satt líður mér þokkalega í skrokknum. Maður finnur til í gömlum meiðslum en verð orðinn góður á morgun," sagði Rúnar sem segist hafa áttað sig á því í vikunni að hann gæti mögulega byrjað þennan leik.
„Þetta var rætt og ég vissi að það væri möguleiki á þessu og ég var undirbúinn undir það. Það er fínt að geta tæklað fleiri en eina stöðu. Ég leysti kantmanninn eins vel og hægt var. Það vita það allir að ég er ekki kantmaður en ég er tilbúinn að spila hvar sem er," sagði Rúnar sem segir úrslitin vera frábær.
„Ég held að við þurftum að halda hreinu í svona baráttuleik sem er mikið af návígjum og læti þá var það akkúrat það sem við þurftum."
„Ég held að það hafi sést að ég var alveg búinn á því síðustu 20 mínúturnar. Þetta eru öðruvísi hlaup en á miðjunni þetta eru lengri hlaup en ég hefði klárað mig út en það var fínt að fá Arnór inn með ferskar fætur. Það er svolítið langt síðan ég spilaði og hef verið mikið meiddur. Ég er ekkert í besta standinu sem ég hef verið í, en ég reyni að skila mínu," sagði Rúnar sem segist vera klár fyrir leikinn á þriðjudaginn gegn Tyrkjum.
Athugasemdir