Niðurstaðan var 4-1 sigur heimamanna en staðan var 3-0 í hálfleik.

„Fyrri hálfleikurinn var mjög góður, við gáfum Fulham engin færi á okkur. Við vorum sterkir, ákveðnir og einbeittir og spiluðum mjög góðan fótbolta. Fyrri hálfleikurinn var fullkominn," sagði Mourinho.

„Ranieri sá til þess að okkur gekk ekki jafn vel í seinni hálfleik, hann gerði tvær breytingar og þeir spiluðu betur eftir það. Ég held að það hafi verið smá þreyta í nokkrum af leikmönnunum mínum, það voru nokkur atriði sem gengu ekki jafn vel í seinni hálfleik."

Næsta verkefni hjá Mourinho og lærisveinum hans er leikur gegn Valencia í Meistaradeildinni á miðvikudaginn.