Marouane Fellaini gekk til liðs við Shandong Luneng í Kína nú á dögunum en hann gerði þriggja ára samning við liðið sem gefur honum 235 þúsund pund í laun á viku.
Hinn 31 árs gamli Fellaini kom til Manchester United frá Everton árið 2013. Belginn var ekki ofarlega á blaði hjá Ole Gunnar Solskjær eftir að hann tók við United og því fékk hann leyfi til að fara.
„Þetta var rétti tíminn til þess að fara. Mig langaði í nýja áskorun og nýtt ævintýri. Tíminn var kominn," segir Fellaini.
Manchester United mætir PSG í 16-liða úrslitum Meistaradeildar Evrópu í vikunni og segir Fellaini að United sé líklegra liðið til þess að fara í 8-liða úrslit.
„Ég held að Manchester United klári það einvígi. Hvernig takturinn er í liðinu og liðið geislar af sjálfstrausti, ég sé það ekki klikka. Þetta er fótbolti og maður veit aldrei hvað gerist en ég held að United ætti að klára þetta."
Athugasemdir
