Blikinn Brynjólfur skoraði annað mark Groningen í 2-0 sigri á Emmen en hann kom inn af bekknum eftir klukkutíma leik.

Hann hefur nú skorað í öllum þremur æfingaleikjum Groningen á undirbúningstímabilinu.

Hákon Arnar skoraði tvö mörk er Lille vann Amiens 5-0. Hann skoraði mörkin með fimm mínútna millibili í fyrri hálfleiknum og var annað markið sérstaklega glæsilegt með góðu innanfótarskoti úr teignum.

Benoný Breki Andrésson lagði upp sigurmark Stockport County í 3-2 sigri liðsins á Bristol Rovers.

Galdur Guðmundsson skoraði og sá rautt er Horsens tapaði fyrir Lyngby, 3-1, í æfingaleik. Ísak Snær Þorvaldsson spilaði sinn fyrsta leik fyrir Lyngby.

Andri Lucas Guðjohnsen spilaði í 1-1 jafntefli gegnt gegn RAAL La Louviere og þá byrjuðu þeir Daníel Dejan Djuric og Logi Hrafn Róbertsson í 1-0 sigri Istra 1961 á Slovacko.

Nóel Atli Arnórsson byrjaði hjá Álaborg sem tapaði fyrir Viborg, 2-0.

Lúkas Petersson, markvörður U21 árs landsliðsins, spilaði síðari hálfleikinn með aðalliði Hoffenheim sem vann Freiburg, 3-2. Hann hefur verið í þriggja markvarðarteymi aðalliðsins síðan í byrjun síðustu leiktíðar.

Sverrir Ingi Ingason lék þá fyrri hálfleikinn í 2-1 tapi Panathinaikos gegn Braga.

Elfsborg vann Íslendingaslaginn og Stefán Ingi í tapliði

Júlíus Magnússon kom inn af bekknum er Elfsborg vann 2-1 sigur á Gautaborg í sænsku úrvalsdeildinni.

Kolbeinn Þórðarson lék allan leikinn með Gautaborg og þá var Ari Sigurpálsson ónotaður varamaður hjá Elfsborg.

Elfsborg er í 3. sæti með 29 stig en Gautaborg í 7. sæti með 22 stig.

Stefán Ingi Sigurðarson byrjaði hjá Sandefjord sem tapaði fyrir Bodö/Glimt, 3-0, í norsku úrvalsdeildinni.

Bodö/Glimt er í 4. sæti með 23 stig en Sandefjord í 6. sæti með 21 stig.