Henry hóf ferilinn sinn hjá Mónakó áður en hann var seldur til Juventus. Það gekk lítið upp á Ítalíu og samdi hann við enska úrvalsdeildarfélagið Arsenal. Það þekkja flestir ævintýri hans þar en hann er markahæstur í sögu félagsins.

Hann hefur verið aðstoðarþjálfari belgíska landsliðsins undir stjórn Roberto Martinez en nú er hann á leið aftur í franska boltann.

Leonardo Jardim var rekinn frá Mónakó á dögunum og er Henry að ganga frá þriggja ára samning við félagið.

Hann verður kynntur á næstu sólarhringum en þetta er fyrsta starfið hans sem aðalþjálfari.