Ipswich Town á ekki lengur von um að halda sér uppi í Championship deildinni eftir 1-1 jafntefli Wigan og Norwich í dag.
Wigan er því komið upp í 42 stig og engin leið fyrir botnlið Ipswich til að vinna upp stigamuninn þegar aðeins fjórar umferðir eru eftir.
Ipswich á sér ríka sögu og hefur unnið efstu deild enska boltans einu sinni, 1962, auk þess að hafa endað tvisvar í öðru sæti, 1981 og 1982.
Ipswich vann einnig Evrópukeppni árið 1981 og hefur unnið bæði B- og C-deild enska boltans.
Það eru 62 ár liðin síðan félagið var síðast í C-deildinni og þá vann liðið deildina á markatölu, aðallega þökk sé 46 mörkum frá Ted Phillips.
Athugasemdir