Franski landsliðsmaðurinn Kingsley Coman verður ekki meira með Bayern München á þessari leiktíð eftir að hafa meiðst í 2-0 sigri liðsins á Köln í gær.
Coman meiddist eftir um 50 mínútur í leiknum en um vöðvameiðsli er að ræða.
Bayern staðfesti síðan að Coman verði ekki með liðinu á næstunni en þýskir miðlar segja að hann hafi spilað sinn síðasta leik með Bayern á þessari leiktíð.
Það er því ljóst að hann verður ekki með í seinni leiknum gegn Arsenal í 8-liða úrslitum Meistaradeildar Evrópu.
Vonast er til þess að Coman verði klár með Frökkum fyrir Evrópumót landsliða, sem fer fram í Þýskalandi í sumar.
Athugasemdir
