Daninn Jan Mölby, fyrrum leikmaður Liverpool, segir að Liverpool sé með einn besta markvörð heims í Alisson.
„Markvarðarstaðan hefur verið vandamál í fjölda ára. Alisson er ekki bara með mikla hæfileika heldur hefur hann rosaleg áhrif á alla í kringum sig. Bæði samherja og stuðningsmenn," segir Mölby.
„Hann er með frábærar staðsetningar og það er engin tilviljun hversu oft hann er fyrir skotum. Hann einn lyftir liðinu á annað þrep."
Liverpool hefur aðeins fengið sex deildarmörk á sig á þessu tímabil, fjórtán færri en á sama stigi á síðasta tímabili.
„Við erum ekki bara með einn besta markvörð heims heldur líka einn besta miðvörð heims," segir Mölby og er þar að tala um Virgil van Dijk.
Athugasemdir