Pálmi Rafn skoraði tvö mörk í dag
Pálmi Rafn Pálmason, leikmaður KR, skoraði tvö mörk í 5-2 sigri sinna manna gegn Fylki í Egilshöllinni í dag.
„Við spiluðum langstærstan kafla mjög góðan leik og skorum fimm góð mörk. Ég er reyndar ekkert sérstaklega sáttur að hleypa inn tveimur mörkum en við getum ekki verið annað en sáttir að vinna Fylki 5-2." sagði Pálmi Rafn eftir leikinn.
„Við spiluðum langstærstan kafla mjög góðan leik og skorum fimm góð mörk. Ég er reyndar ekkert sérstaklega sáttur að hleypa inn tveimur mörkum en við getum ekki verið annað en sáttir að vinna Fylki 5-2." sagði Pálmi Rafn eftir leikinn.
KR-ingar byrjuðu leikinn af miklum krafti og réðu öllum lögum á vellinum í fyrri hálfleik. Staðan í hálfleik var 4-1 fyrir KR en í þeim seinni komst Fylkir aðeins betur í leikinn.
„Við missum svolítið taktinn í seinni hálfleik og hleypum þeim inní leikinn. Miðað við hvað fyrri hálfleikurinn var góður þá vorum við ekki nægilega góðir í þeim seinni."
Eins og áður segir skoraði Pálmi tvö mörk í leiknum og reyndi að setja það þriðja með hjólhestaspyrnu í seinni hálfleik.
„Hann Skúli helvítið truflaði mig. Annars hefði þetta legið inni." sagði Pálmi um atvikið.
Nánar er rætt við Pálma í spilaranum hér að ofan.
Athugasemdir
