„Við erum mjög ánægðir með úrslitin. Við börðumst í 95 mínútur og mér finnst við virkilega eiga þessi þrjú stig skilið,'' sagði Alvaro Montejo, leikmaður Þórs eftir 2-1 baráttusigur á Grindavík í fyrsta leik Lengjudeildarinnar. Alvaro skoraði sigurmark leiksins á 89. mínútu við mikinn fögnuð áhorfenda.
Lestu um leikinn: Þór 2 - 1 Grindavík
„Mér líður vel, við höfum æft vel og við sýndum í hversu góðu ásigkomulagi við erum með því að skora mark á 89. mínútu,'' sagði Alvaro þegar hann var spurður útí líkamlegt ásigkomulag sitt eftir leikinn.
„Það er aldrei auðvelt að spila fyrsta leik, en mér fannst við berjast og við sýndum að við vildum þrjú stig meira en þeir. Ég er virkilega ánægður með frammistöðu liðsins.''
Aðspurður um framhaldið sagði Alvaro:
„Enginn veit fyrir víst hvernig sumarið verður. En við erum með stóran hóp, sem verður mikilvægt í þessari þéttu deild sem er spiluð á þremur og hálfum mánuði. Við munum berjast gegn hverju liði.''
Athugasemdir