Gylfi Þór Sigurðsson ræddi við Amazon Prime eftir 1-0 sigur Everton á Sheffield United í ensku úrvalsdeildinni í dag en hann lagði upp sigurmark liðsins.
Gylfi lagði upp þriðja mark sitt á leiktíðinni er hann átti aukaspyrnu sem Richarlison skallaði í netið.
Íslenski landsliðsmaðurinn átti afar góðan leik í liði Everton en hann hrósaði liðsfélögum sínum sérstaklega í dag.
„Þetta var erfiður leikur og við vissum að þetta erfitt en við vörðumst vel og miðverðirnir voru frábærir í dag. Þeir hreinsuðu allt úr vörninni," sagði Gylfi við Amazon Prime.
„Þetta mark skráist á hreyfinguna og skallann hjá Richarlison og magnað hvernig hann stýrði boltanum í fjærhornið."
„Ungu leikmennirnir sem eru að koma inn í liðið hafa gert vel og vonandi eiga þeir bjarta framtíð hjá félaginu," sagði hann í lokin.
Athugasemdir