Mistökin voru ansi slæm en Caballero ætlaði að gefa boltann yfir Ante Rebic, það gekk ekki betur en svo að boltinn fór beint til Rebic sem skoraði með viðstöðulausu skoti og kom Króatíu yfir.

Caballero byrjaði fyrstu tvo leiki Argentínu en var kominn á bekkinn í lokaleiknum þegar liðið sigraði Nígeríu 2-1. Hann hefur nú greint frá því á Instagram að honum og fjölskyldu hans hafi borist hótanir.

Jorge Sampaoli sagði eftir leik að það ætti ekki að kenna Caballero um tapið heldur honum, hann einn tæki fulla ábyrgð á tapinu. Í færslunni þakki Caballero öllum þeim sem hafa stutt við bakið á honum.

Caballero varð aðalmarkvörður landsliðsins eftir að Sergio Romero meiddist í undirbúningi fyrir heimsmeistaramótið. Argentína mætir Frakklandi í 16-liða úrslitum á laugardaginn.