Enskar fótboltabullur á EM í Portúgal í sumar
Frekari fréttir eru farnar að berast af ólátunum á leik Millwall og Liverpool í Carling Cup í kvöld en fjórir voru hanteknir á meðan leiknum stóð. Eins og við sögðum frá fyrr í kvöld varð allt brjálað á meðan leiknum stóð er stuðningsmenn Millwall hófu að syngja, ,,Þið hefðuð allir átt að deyja á Hillsborough."
Tveir stuðningsmenn hvors liðs fyrir sig voru handteknir og 68 sæti í stúkunum voru eyðilögð. Óeirðarlögregla reyndi hvað hún gat að ná stjórn á ósköpunum er sætunum var hent á milli stuðningsmannana.
Fatlaður stuðningsmönnum Liverpool var velt um koll og slasaðist einn þeirra. Þá var þremur stuðningsmanna Liverpoool og einum frá Millwall var vísað úr stúkunum þegar lætin voru að byrja.
Phil Neal fyrrum fyrirliði Liverpool sem starfar við góðgerðarmál til handa fjölskyldnanna sem fóru illa út úr Hillsborough harmleiknum var á leiknum að lýsa fyrir útvarpsstöð úr Liverpool. Hann sagði: ,,Ég vil bara gleyma slæmri lífsreynslu. Ég kom hingað og vildi bara sjá leik milli Millwall og Liverpool undir eðlilegum kringumstæðum."
,,Ef það voru söngvarnir um Hillsborough sem byrjuðu óeirðirnar þá var það algjörlega óþarft. Þetta var fyrir fimmtán árum og Heysel slysið var fyrir 19 árum. Eftir að hafa séð hvað gerðist í kvöld dró það mjög úr mér, og ég varð að biðja hlustendur mína afsökunar því ég sagði ekkert í um 20 mínútur."
Sjá einnig:
Hvað er Hillsborough slysið?
Allt brjálað milli stuðningsmanna Liverpool og Millwall
Athugasemdir
