Birnir Snær Ingason samdi við Stjörnuna síðasta haust.
Jökull Elísabetarson er þjálfari Stjörnunnar.
Emil Atlason er mjög öflugur framherji. Margir spá því að hann berjist um markakóngstitilinn.
Jökull Elísabetarson, þjálfari Stjörnunnar, ræddi við Fótbolta.net eftir að hann dró KR sem andstæðing í 16-liða úrslitum Mjólkurbikarsins í gær.
Hann ræddi um leikinn gegn KA sem fram fer á Greifavellinum á sunnudag og einnig um viðureignina við KR, en liðin munu mætast tvisvar með stuttu millibili; fyrst í deild og svo bikar.
Í kjölfarið var hann svo spurður út í Birni Snæ Ingason og Emil Atlason, sem margir eru spenntir fyrir að sjá spila saman í Stjörnuliðinu. Birnir lagði upp tvö mörk fyrir Emil gegn Selfossi síðasta sunnudag. Þeir spiluðu báðir í vináttulandsleiknum í Mexíkó í vetur.
Hann ræddi um leikinn gegn KA sem fram fer á Greifavellinum á sunnudag og einnig um viðureignina við KR, en liðin munu mætast tvisvar með stuttu millibili; fyrst í deild og svo bikar.
Í kjölfarið var hann svo spurður út í Birni Snæ Ingason og Emil Atlason, sem margir eru spenntir fyrir að sjá spila saman í Stjörnuliðinu. Birnir lagði upp tvö mörk fyrir Emil gegn Selfossi síðasta sunnudag. Þeir spiluðu báðir í vináttulandsleiknum í Mexíkó í vetur.
„Emil er mjög sterkur og var mikið frá í fyrra, en við erum með annan sterkan senter (Andra Rúnar Bjarnason). Það er auðvitað alltaf gott að sjá menn tengja. Við höfum séð það líka í vetur, þeir hafa báðir spilað mjög vel. Birnir hefur fallið mjög vel inn í liðið, bæði á vellinum og inn í hópinn."
„Við erum með skemmtilegt sóknarlið og erum að spila skemmtilegan fótbolta. Ég held að Stjörnumenn megi alveg vera spenntir að mæta á völlinn í annarri umferð." Stjarnan tekur á móti FH í 2. umferð deildarinnar 17. apríl.
Í leikmannakönnun var Birnir Snær kosinn sá leikmaður sem væri skemmtilegastur innan og utan vallar.
„Ég skil það alveg, ég er ekki mikið á samfélagsmiðlum þannig ég sé ekki allt sem hann er að gera þar. En hann hefur komið mjög skemmtilega inn í hópinn og er að gefa af sér. Hann er bæði skemmtilegur karakter og er með mikla reynslu og öflugur leikmaður."
Yrði viðunandi en ætla sér töluvert stærri hluti
Stjörnunni er spáð 2.-3. sæti í flestum spám. Hvað væri viðunandi niðurstaða í sumar?
„Ég held að eins og spáin sé sett upp þá væri mjög óeðlilegt að halda því fram en að það sé ekki bara viðunandi. Ég held að spáin sé eðlileg. Síðustu 2-3 ár þá hafið þið (sem spáið) tekið efstu 2-3 sætin frá fyrir önnur lið (Víking, Val og Breiðablik). Við höfum samt sem áður verið að enda í topp þremur. Það er viðunandi, en við ætlum okkur hærra. Við höfum trú á því að við getum gert meira, ætlum okkur töluvert stærri hluti. Það verður skemmtilegt að enda ofar en spáin segir til um, eins og við höfum kannski oft gert," segir Jökull.
Hann segir þá að markmið Stjörnunnar í bikarnum sé ekki flókið, það sé að vinna bikarinn. Stjarnan hefur tvisvar í röð dottið út í undanúrslitum keppninnar.
Viðtalið í heild má sjá í spilaranum efst.
1. umferðin í Bestu
föstudagur 10. apríl
19:15 Víkingur R.-Breiðablik (Víkingsvöllur)
sunnudagur 12. apríl
13:00 ÍBV-FH (Hásteinsvöllur)
17:00 KR-Keflavík (Meistaravellir)
17:00 Valur-Þór (N1-völlurinn Hlíðarenda)
17:00 KA-Stjarnan (Greifavöllurinn)
19:30 Fram-ÍA (Lambhagavöllurinn)
