Fótbolti.net

„Af því enginn þekkir nafnið þá veljið þið hann ekki mann leiksins”

Viktor Örn: Klaufalegt rautt spjald en enginn ásetningur

Arnar fer yfir valið - „Ekki á hverjum degi sem maður mæti Messi og félögum“

Ísland í dag - Sextán liða úrslit Mjólkurbikarsins hefjast

Gylfi sáttur með sigurinn: „Þessi seinni hálfleikur var mjög langur"

Jói hrósaði nýliðunum: Þær tóku fyrri hálfleikinn bara í nefið

Einar Guðna: Vindurinn tók boltann bara til baka

Anton Ingi pirraður: Við verðum að hafa kassann út í 90 mínútur

Matti Guðmunds svekktur: Lögðum líf og sál í þetta en fótboltinn er brútal

Margrét Brynja orðlaus: Gáfum allt í þetta og getum gengið stoltar af velli

Hrafnhildur Ása: Búin að bíða eftir stærra hlutverki og mitt að grípa það

Jón Óli: Þurfum að finna einhvern til að nudda á henni rassgatið

Alli Jói: Markmiðið er að berjast um hærra á töflunni

Linta hefur ekki áhyggjur - „Ekki í mínum höndum"

Valdimar færði KA ró - „Hefði viljað sjá okkur vera aðeins stærri"

Grímsi ósáttur með spilamennskuna - „Ætlum að halda okkur í topp sex"

Óskar Smári: Súrt tap og eigum hálfklárað verkefni fyrir norðan

Guðni eftir útisigur: „Algjört skólabókadæmi um að nýta breidd“

Guðný: Held það hafi enginn gert ráð fyrir þessu

Venni: Þurfum að hreiðra um okkur á toppnum

fim 09. apríl 2026 15:01

Sæbjörn Þór Þórbergsson Steinke

Fyrirliðinn á leið í sinn fyrsta leik í efstu deild - „Pressan kemur frá sjálfum mér"

Aron Birkir átti gott tímabil í Lengjudeildinni í fyrra. Aron hefur verið aðalmarkvörður Þórs síðan 2017.

Mynd: Fótbolti.net - Hafliði Breiðfjörð

Aron Birkir og Yann Affi eru aftast á vellinum í Þórsliðinu.

Mynd: Ármann Hinrik/Akureyri.net

'Ég og allir Þórsarar erum búnir að bíða mjög lengi'

Mynd: Fótbolti.net - Hafliði Breiðfjörð

„Ég er hrikalega spenntur, eiginlega get ekki beðið. Ég er að fara spila í efstu deild í fyrsta sinn, ég og allir Þórsarar erum búnir að bíða mjög lengi. Við erum allir ógeðslega spenntir og klárir í þetta," segir Aron Birkir Stefánsson (1999), fyrirliði Þórs. Hann ræddi við Fótbolta.net á kynningarfundi Bestu deildarinnar í gær.

Þór vann Lengjudeildina í fyrra og spilar í ár í efstu deild í fyrsta sinn síðan 2014.

09.04.2026 09:00

Siggi með skilaboð til stuðningsmanna: Þurfum alla með okkur

„Það er spenna í Þorpinu, það er búinn að byggjast upp mikill spenningur í vetur og eru að bíða (eftir því að þetta fari af stað)."

Þór tapaði gegn FH í Mjólkurbikarnum síðasta laugardag. „Það var ömurlegt að tapa þessu og tapa í fyrstu umferð okkar í bikarnum, hefðum viljað fara miklu, miklu lengra en þetta. Þetta var ekki nógu gott, en það voru samt einhver jákvæð merki líka. Þetta voru einstaklingsmistök, t.d. hjá mér sem drepa þetta í seinni hálfleik. Ég hef engar áhyggjur þannig séð."

Í aðdraganda móts hefur verið talað um takmarkað reynslu leikmanna í Þórs í efstu deild, reynslulitla varnarlínu og markmanninn, Aron Birki. Líður honum eins og það sé pressa á honum?

„Það er þá bara frá sjálfum mér. Eðlilega (er pressa og umtal), við erum að fara spila í efstu deild í fyrsta skipti. Ég veit að við erum búnir að undirbúa okkur vel, Siggi og Eiður (þjálfarar liðsins) og allir eru búnir að hjálpa okkur mikið og eru búnir að undirbúa okkur eins vel og þeir geta. Ég held að við séum á góðum stað og hef ekki miklar áhyggjur af því."

Þór heimsækir Hlíðarenda á sunnudag og mætir Val klukkan 17:00 í fyrstu umferð Bestu deildarinnar.

„Þetta verður fyrst og fremst gaman, menn verða spenntir, peppaðir og held að það verði engin hræðsla í gangi. Við mætum bara á fullu gasi," segir fyrirliðinn.

1. umferðin í Bestu
föstudagur 10. apríl
19:15 Víkingur R.-Breiðablik (Víkingsvöllur)

sunnudagur 12. apríl
13:00 ÍBV-FH (Hásteinsvöllur)
17:00 KR-Keflavík (Meistaravellir)
17:00 Valur-Þór (N1-völlurinn Hlíðarenda)
17:00 KA-Stjarnan (Greifavöllurinn)
19:30 Fram-ÍA (Lambhagavöllurinn)