Ragnar Sigurðsson var að sjálfsögðu í hjarta varnarinnar hjá Rostov þegar liðið vann seiglusigur í rússnesku úrvalsdeildinni í kvöld.
Liðið mætti Krylya Sovetov en leiknum lauk með 1-0 sigri Rostov. Sigurmarkið kom eftir rúmlega hálftíma leik en það gerði Eldor Shomurodov.
Björn Bergmann Sigurðarson sat allan tímann á varamannabekk Rostov í leiknum.
Með sigrinum skýst liðið upp í annað sæti deildarinnar, tveimur stigum á eftir toppliði Zenit.
Næsti leikur Rostov er gegn Ufa á sunnudag en Ufa hefur unnið einn leik af fyrstu fimm í deildinni.
Athugasemdir