Evrópa um helgina - Hákon í Meistaradeildarbaráttu og Þórir í fallbaráttu

Lokaumferðin í frönsku deildinni fer fram í dag. Hákon Arnar Haraldsson og félagar í Lille tryggja sér Meistaradeildarsæti meeð sigri á Auxerre. Liðið er með eins stigs forystu á Lyon í baráttunni en Lyon mætir Lens.

Næst síðasta umferðin á Ítalíu fer fram. Fimm leikir eru á dagskrá klukkan 10 en þar verða lið í eldlínunni sem eru að berjast um Evrópusæti. Aðeins fimm stig skilja liðin í 2.-6. sæti að.

Þórir Jóhann Helgason og félagar í Lecce eru í harðri fallbaráttu við Cremonese en Lecce er í öruggu sæti, stigi á undan Cremonese.

Næst síðasta umferðin á Spáni fer fram. Fallbaráttan er gríðarlega spennandi og þá er barátta um Evrópu og Sambandsdeildarsæti.