Fram er komið áfram í 8-liða úrslitin í Mjólkurbikar kvenna eftir frábæran 3-0 sigur á heimavelli gegn ÍA. Fyrirliði Frams, Hildur María Jónasdóttir ræddi við Fótbolti.net eftir leik.
Lestu um leikinn: Fram 3 - 0 ÍA
„Þetta er búið að vera erfiðir leikir en geggjað að ná sigri og þetta er bara upphafið á góðu runni núna" sagði Hildur.
Var frammistaðan í dag öðruvísi miðað við síðustu leiki?
„Já mér fannst við koma inn með orku og mér fannst við gera það sem við ætluðum að gera og það er auðvitað alltaf hægt að bæta eitthvað, en gott að ná í þrjú mörk. Við erum búnar að eiga erfitt með að skora og gott að halda hreinu og skora þrjú mörk. Þetta gefur okkur sjálfstraust inn í deildina."
Er hægt að nýta sigurinn til þess að mótívera hópinn?
„Já, algjörlega. Það er það sem við töluðum um fyrir þennan leik, nú ætlum við heldur betur að starta, upphafið á eitthverju. Mjög gott að ná í sigur og nú fara vonandi stigin að tikka í deildinni."
Fullt viðtal í spilaranum fyrir ofan
