Gísli Gottskálk í leik með Lech Poznan
Lech Poznan tryggði sér pólska meistaratitilinn annað árið í röð eftir 3-1 sigur á Radomiak Radom í næst síðustu umferð deildarinnar í kvöld.
Gísli Gottskálk Þórðarson er leikmaður liðsins en hann hefur ekkert spilað í rúman mánuð vegna meiðsla. Hann hefur komið við sögu í 13 leikjum í deildinni, skorað tvö mörk og lagt upp tvö.
Gísli Gottskálk Þórðarson er leikmaður liðsins en hann hefur ekkert spilað í rúman mánuð vegna meiðsla. Hann hefur komið við sögu í 13 leikjum í deildinni, skorað tvö mörk og lagt upp tvö.
Kolbeinn Finnsson var í byrjunarliði Valerenga sem vann Sarpsborg 3-2 í norsku deildinni. Valerenga er í 9. sæti meeð 11 stig eftir níu umferðir.
Davíð Kristján Ólafsson var ónotaður varamaður þegar Larissa vann Atromitos 2-1 í næst síðustu umferð grísku deildarinnar. Larissa er í mikilli fallhættu en liðið er þremur stigum frá öruggu sæti.
Hinrik Harðarson kom inn á sem varamaður þegar Odd tapaði 3-2 gegn Moss í næst efstu deild í Noregi. Atli Barkarson var í byrjunarliði Sogndal sem gerði 2-2 jafntefli gegn Hodd. Odd er í 3. sæti með 16 stig eftir sjö umferðir en Sogndal er í 10. sæti með átta stig.
Logi Tómasson var ekki í leikmannahópi Samsunspor sem vann Goztepe 3-0 í lokaumferð tyrknesku deildarinnar. Samsunspor endar í 7. sæti með 51 stig.
MISTRZ, MISTRZ, KOLEJORZ ??#KOLE10RZ pic.twitter.com/dC8R2gxP1w
— Lech Pozna? ?? (@LechPoznan) May 16, 2026
