Ívar Orri dæmdi leikinn á miðvikudag.
KR vildi víti í seinni hálfleik en fékk ekki.
KR fékk vítaspyrnu gegn Stjörnunni í bikarleik liðanna á miðvikudag undir lok fyrri hálfleiks.
KR hefði svo átt að fá aðra vítaspyrnu í seinni hálfleik, á 82. mínútu, þegar Guðmundur Kristjánsson, varnarmaður Stjörnunnar, sparkaði í Eið Gauta Sæbjörnsson, framherja KR, inn á vítateig Stjörnunnar. Ívar Orri Kristjánsson, dómari leiksins, dæmdi ekkert.
Þetta staðfestir Þóroddur Hjaltalín, dómarastjóri KSÍ, í samtali við Fótbolta.net.
KR hefði svo átt að fá aðra vítaspyrnu í seinni hálfleik, á 82. mínútu, þegar Guðmundur Kristjánsson, varnarmaður Stjörnunnar, sparkaði í Eið Gauta Sæbjörnsson, framherja KR, inn á vítateig Stjörnunnar. Ívar Orri Kristjánsson, dómari leiksins, dæmdi ekkert.
Þetta staðfestir Þóroddur Hjaltalín, dómarastjóri KSÍ, í samtali við Fótbolta.net.
Lestu um leikinn: Stjarnan 2 - 1 KR
Guðmundur ætlaði að hreinsa boltann í burtu en í miðri sveiflu komst Eiður Gauti milli Guðmundar og boltans og náði snertingu á boltann. Guðmundur sparkaði í Eið Gauta sem féll við og það hefði átt að vera vítaspyrna.
Ef Eiður Gauti hefði ekki náð snertingu á boltann þá hefði samkvæmt reglunum ekki átt að dæma vítaspyrnu þar sem Guðmundur var byrjaður í sveiflunni og hefði Eiður gerst brotlegur með því að stíga inn í sveifluna. Það er kannski illskiljanlegt, en þannig eru reglurnar.
„Eftir slatta af endursýningum sé ég snertingu frá Eiði á boltann og því er þetta vítaspyrna. En ég skil Ívar mjög vel, það er mjög erfitt að meta þetta í rauntíma," segir Þóroddur.
Hægt er að sjá atvikið eftir 26 mínútur af Bikarkvöldi sem var á dagskrá í gær á RÚV 2.
