Fram er komið áfram í 8-liða úrslitin í Mjólkurbikar kvenna eftir frábæran 3-0 sigur á heimavelli gegn ÍA.
„Þetta er allavega fyrsti sigurinn á tímabilinu og bara einn af þeim mörkum sem skal koma." sagði Anton Ingi Rúnarsson, þjálfari Fram eftir leik.
Lestu um leikinn: Fram 3 - 0 ÍA
Miðað við síðustu leiki, var frammistaðan betri?
„Við vorum allavega áræðnari í dag og skoruðum mörk, það hefur vantað í síðustu leikjum, þannig að það var mjög jákvætt."
Hvað er hægt að taka úr þessum leik?
„Fyrsti og annar bolti, við vorum ákveðnar. Mættum strax grimmar í byrjun og alveg til enda, það hefur svolítið vantað hjá okkur. Búið að vera dálítið kaflaskipt, en þetta er svona fyrsti leikurinn í sumar sem er ekki kaflaskiptur."
Er hægt að nýta þennan sigur til þess að koma liðinu aftur í form og gera betur í deildinni?
„Já. Þetta er bara eins og ég segi við þurftum að finna netmöskvana, það hefur vantað í síðustu leikjum. Við tökum það með okkur yfir í deildina vonandi og þurfum aðeins að stíga áfram á bensíngjöfina. Ná kannski aðeins að spila fulla leiki, ekki kaflaskipta í deild líka til þess að við séum að skópa sigrana. Við höfum ekkert verið lakari aðilinn í síðustu leikjum, það bara vantar svona herslu muninn. Það vonandi mun detta með okkur á miðvikudaginn."
Fullt viðtal í spilaranum fyrir ofan
