Hinn 31 árs gamli Aubameyang á ár eftir af samningi sínum og eru miklar vangaveltur um framtíð hans hjá Arsenal. Aubameyang er fyrirliði félagsins.

Emmanuel Petit, sem lék með Arsenal frá 1997 til 2000, segir í samtali við Paddy Power: „Ef ég væri Aubameyang, þá myndi ég fara frá Arsenal. Arsenal er ekki eins og það var."

„Þetta er orðið miðlungsfélag. Ég finn mjög til með stuðningsmönnum og fólkinu sem elskar félagið. En ég finn ekki til með leikmönnunum, 75 prósent af þeim eiga ekki skilið að klæðast treyjunni."

Arsenal hefur farið hörmulega af stað eftir að enska úrvalsdeildin hófst aftur, en liðið heimsækir Southampton klukkan 17:00 í dag.