Chelsea er búið að selja nígeríska varnarmanninn Kenneth Omeruo eftir sjö ára dvöl hjá félaginu.
Omeruo kom aldrei við sögu hjá Chelsea en var lánaður til ADO Den Haag, Middlesbrough, Kasimpasa, Alanyaspor og Leganes.
Hann var mikilvægur hlekkur í hópi Leganes á síðustu leiktíð og ákvað spænska félagið að festa kaup á honum fyrir 5 milljónir evra.
Leganes leikur í efstu deild á Spáni og endaði í 13. sæti í vor, átta stigum frá fallsæti.
Omeruo verður 26 ára í október og á 51 landsleik að baki fyrir Nígeríu.
Athugasemdir