Mynd: EPA

Bellingham hefur verið stórkostlegur á þessari leiktíð en hann hefur skorað 16 mörk í 21 leik og lagt upp þrjú til viðbótar.

Hann meiddist í 4-0 sigri liðsins gegn Girona þann 10. febrúar en hann skoraði tvö mörk í leiknum áður en hann fór af velli vegna meiðsla eftir um klukkutíma leik.

Liðið hefur unnið tvo leiki og gert eitt jafntefli í án hans en liðið hefur aðeins skorað þrjú mörk í þessum þremur leikjum.

„Við þurfum að vera upp á okkar besta. Carvajal, Camavinga, Joselu og Bellingham eru allir komnir aftur. Bellingham er 100%. Hann hefur gert allt sem hann hefur þurft að gera til að koma aftur. Honum líður vel í ökklanum og er upp á sitt besta, hann mun spila," sagði Carlo Ancelotti stjóri liðsins í aðdraganda leiksins gegn Valencia á morgun.