Keflavík þurfti að sætta sig við 1-1 jafntefli þegar þeir fengu Hauka í heimsókn á Nettóvöllinn í kvöld.
Keflavík komst yfir með marki Dags Inga Valssonar á 41. mínútu leiksins hélt sú forysta þar til í uppbótartíma þegar Valdimar Pálsson dómari leiksins dæmdi vítaspyrnu á Adolf Mtasingwa Bitegeko fyrir að handleika knöttinn. Úr spyrnunni skoraði Ásgeir Þór Ingólfsson og tryggði Haukum eitt stig.
Keflavík komst yfir með marki Dags Inga Valssonar á 41. mínútu leiksins hélt sú forysta þar til í uppbótartíma þegar Valdimar Pálsson dómari leiksins dæmdi vítaspyrnu á Adolf Mtasingwa Bitegeko fyrir að handleika knöttinn. Úr spyrnunni skoraði Ásgeir Þór Ingólfsson og tryggði Haukum eitt stig.
Lestu um leikinn: Keflavík 1 - 1 Haukar
„Það eru allir brjálaðir inní klefa en ég ætla svo sem ekkert að tjá mig um það en ég get bara sagt það að mér fannst Haukar ekki líklegir á einn einasta hátt til að fara skora sjálfir,“ sagði Eysteinn um sín fyrstu viðbrögð eftir leik og hvort þeir hefðu hreinlega ekki verið rændir sigri.
Þótt jafntefli hafi eflaust ekki verið úrslitin sem Eysteinn var að leita eftir er þetta þó framför frá síðasta heimaleik sem að tapaðist illa gegn Leikni. Var Eysteinn sáttur við hvernig menn komu inn í leikinn?
„Já ég er sáttur við margt í frammistöðunni en þetta er samt dálítið kaflaskipt en menn voru að hlaupa fyrir hvorn annan sem var dagsskipunin.“
Félagaskiptaglugginn er opinn eins og flestir vita.Verða breytingar á leikmannahópi Keflavíkur í glugganum?
„Við erum að skoða þetta en það er ekkert sem hægt að tala um ennþá.“
Sagði Eysteinn Húni Hauksson þjálfari Keflavíkur en allt viðtalið má sjá hér að ofan.
Athugasemdir