Orri Sigurður Ómarsson, varnarmaður Vals, hefur ennþá ekki fengið svör um það hvort danska félagið Horsens ætli að ganga frá kaupum á sér eða ekki. Morgunblaðið greinir frá þessu í dag.
Valur og Horsens komust að samkomulagi um félagaskipti Orra í nóvember og í kjölfarið fór hann út til Danmerkur þar sem hann skoðaði aðstæður og spilaði æfingaleik með liðinu.
Danska félagið sagði í kjölfarið að tekin yrði ákvörðun um framhaldið viku síðar. Hinn 22 ára gamli Orri hefur hins vegar ekki fengið nein svör ennþá, mánuði síðar.
Valur og Horsens komust að samkomulagi um félagaskipti Orra í nóvember og í kjölfarið fór hann út til Danmerkur þar sem hann skoðaði aðstæður og spilaði æfingaleik með liðinu.
Danska félagið sagði í kjölfarið að tekin yrði ákvörðun um framhaldið viku síðar. Hinn 22 ára gamli Orri hefur hins vegar ekki fengið nein svör ennþá, mánuði síðar.
„Þeir náðu samkomulagi við Val og það var allt komið í sambandi við kaup og kjör, en svo fékk ég bara aldrei neitt til mín. Þetta er bara fáránlegt."
„Þeir hafa sagt tvisvar að þeir þurfi að finna einhvern pening og jafnvel fylla upp í aðrar stöður líka og eru eiginlega bara búnir að setja okkur á bið. Eins og staðan er núna er ég bara að bíða en ef þetta dregst eitthvað miklu lengur slít ég þessu bara sjálfur,“ segir Orri við Morgunblaðið.
Athugasemdir