Hamren kynnir landsliðshóp á morgun.
Á morgun verður fréttamannafundur í höfuðstöðvum KSÍ í Laugardal þar sem Erik Hamren landsliðsþjálfari mun opinbera hóp sinn fyrir komandi verkefni.
Ísland mætir Belgíu í Þjóðadeildinni í Brussel fimmtudaginn 15. nóvember og leikur svo vináttulandsleik gegn Katar, í Eupen í Belgíu, fjórum dögum síðar. Belgar tilkynna einnig hóp sinn á morgun.
Ísland mætir Belgíu í Þjóðadeildinni í Brussel fimmtudaginn 15. nóvember og leikur svo vináttulandsleik gegn Katar, í Eupen í Belgíu, fjórum dögum síðar. Belgar tilkynna einnig hóp sinn á morgun.
Ljóst er fyrir leikinn í Brussel að Ísland mun enda í neðsta sæti í sínum riðli í Þjóðadeildinni og falla úr A-deild keppninnar.
Hólmar Örn Eyjólfsson, Rúnar Már Sigurjónsson, Emil Hallfreðsson og Jón Daði Böðvarsson eru á meiðslalistanum og verða ekki með. Þá gefur Viðar Örn Kjartansson ekki kost á sér.
Búast má við því að Hamren velji stóran hóp fyrir þessa tvo leiki. Fastlega má reikna með því að Arnór Sigurðsson verði valinn í landsliðið í fyrsta sinn en hann skoraði fyrir CSKA Moskvu gegn Roma í Meistaradeildinni í gær.
Fréttamannafundurinn verður 13:15 og verður í beinni hér á Fótbolta.net.
Athugasemdir
