Egypski leikmaðurinn Mohamed Salah er afar vinsæll í Liverpool-borg en hann fann afar mikið til með einum stuðningsmanni sem vildi fá mynd með honum.
Salah var að klára æfingu með Liverpool er hann fór í bifreið sína og hélt heim á leið.
Hinn 11 ára gamli Louis Fowler sá bifreiðina hans og byrjaði að hlaupa á eftir bílnum. Hann virtist þó ekki horfa fram fyrir sig og urðu afleiðingarnar þær að hann hljóp á ljósastaur.
Salah sá hvað gerðist og opnaði bílinn til að athuga með hann en allt virtist enda vel og fékk drengurinn mynd með átrúnaðargoðinu.
Mynd fylgir fréttinni en þar er Fowler alblóðugur og berst hreinlega við tárin.
@MoSalah thank you for coming back to check on my boys after Louis KO’d himself trying to get a wave! He loves you so much and the pain went away instantly when you came to give them a hug. A nose reset worth well worth it he said. You are a top man and a true gent! #EgyptianKing pic.twitter.com/wrmHc4vxB9
— Joe Cooper 🐺 (@joecooper93) August 10, 2019
Athugasemdir