Hér má hverjir verða þjálfarar í Pepsi og Inkasso-deild kvenna á næsta tímabili.
Jón Óli Daníelsson tók við ÍBV um helgina og þvi er allt klárt í Pepsi-deildinni. ÍR á eftir að ráða þjálfara í Inkasso-deildinni.
*Nýr þjálfari frá síðasta tímabili.
Jón Óli Daníelsson tók við ÍBV um helgina og þvi er allt klárt í Pepsi-deildinni. ÍR á eftir að ráða þjálfara í Inkasso-deildinni.
*Nýr þjálfari frá síðasta tímabili.
Pepsi-deild kvenna
Breiðablik - Þorsteinn Halldórsson
Steini Halldórs heldur áfram með Íslands og bikarmeistarana í Kópavogi.
Þór/KA - Halldór Jón Sigurðsson
Í vikunni var staðfest að Donni heldur áfram með Þór/KA og freistar þess að ná Íslandsmeistaratitlinum aftur á Akureyri næsta sumar.
Stjarnan - Kristján Guðmundsson*
Kristján tók við keflinu í Garðabæ í haust eftir að Ólafur Þór Guðbjörnsson lét af störfum.
Valur - Pétur Pétursson
Hinn þrautreyndi Pétur verður annað árið í röð með lið Vals.
ÍBV - Jón Óli Daníelsson
Ian Jeffs hætti í haust eftir að hafa stýrt ÍBV undanfarin fjögur ár. Jón Óli tók við liðinu á nýjan leik en hann stýrði ÍBV samfleytt frá 2007-2014.
Selfoss - Alfreð Elías Jóhannsson
Alfreð Elías hefur náð eftirtektaverðum árangri með Selfoss undanfarin tvö ár og hann heldur áfram.
HK/Víkingur - Þórhallur Víkingsson
Þórhallur hélt nýliðum HK/Víkings örugglega uppi á sínu fyrsta ári sem þjálfari.
KR - Bojana Besic
Bojana Besic verður þjálfari KR annað árið í röð en hún hafði áður verið yfirþjálfari yngri flokka hjá félaginu.
Fylkir - Kjartan Stefánsson
Kjartan stýrði Fylki upp í Pepsi-deildina á nýjan leik og heldur áfram við stjórnvölinn.
Keflavík - Gunnar Magnús Jónsson
Gunnar kom Keflavík upp eftir nokkur ár í röð í næstefstu deild.
Inkasso-deild kvenna
Grindavík -
Ray Anthony Jónsson var ráðinn þjálfari Grindavíkur í fyrrahaust og hann tekur annað tímabil með liðinu.
FH - Guðni Eiríksson*
Guðni tók við FH af Orra Þórðarsyni eftir fall úr Pepsi-deildinni. Guðni hefur starfað lengi fyrir FH og var aðstoðarþjálfari í meistaraflokki kvenna 2015 og 2016.
ÍA - Helena Ólafsdóttir
Fyrrum landsliðsþjálfarinn Helena Ólafsdóttir er ennþá við stjórnvölinn hjá ÍA. Skagastelpur stefna upp eftir að hafa verið nálægt Pepsi-deildarsæti í ár.
Þróttur R. - Nik Chamberlain
Englendingurinn er áfram þjálfari Þróttar en liðið var nálægt toppbaráttunni síðastliðið sumar.
Haukar - Jakob Leó Bjarnason
Jakob Leó tók við Haukum fyrir ári síðan og hann er að sigla inn í sitt annað tímabil með liðið.
Fjölnir - Páll Árnason
Fjölnir hélt sæti sínu sem nýliði og Páll verður áfram þjálfari í ár.
Afturelding/Fram - Júlíus Ármann Júlíusson
Júlíus hefur stýrt Aftureldingu/Fram undanfarin ár og heldur áfram um stjórnartaumana þar.
ÍR - ÓRÁÐIÐ
Guðmundur Guðjónsson stýrði ÍR fyrri hluta sumars en Engilbert Ó.H. Friðfinnsson tók við af honum í ágúst og kláraði tímabilið. Óvíst er hver stýrir ÍR næsta sumar.
Tindastóll - Jón Stefán Jónsson
Jón Stefán Jónsson kom Tindastóli aftur upp í Inkasso-deildina og heldur áfram sem þjálfari.
Augnablik - Vilhjálmur Kári Haraldsson*
Vilhjálmur Kári Haraldsson var ráðinn þjálfari nýliða Augnabliks á dögunum. Hann tekur við af Ásmundi Arnarssyni sem tók við karlaliði Fjölnis í haust.
Athugasemdir