Rúnar Kristinsson, fyrrum landsliðsfyrirliði Íslands, er mættur til Frakklands til að fylgjast með EM. Rúnar telur að íslenska liðið eigi eftir að gera góða hluti á mótinu.
„Maður er alltaf bjartsýnn og held þeir eigi eftir að standa sig," sagði Rúnar við Fótbolta.net í dag.
Hann segir Ísland eiga möguleika á að ná úrslitum ef hlutirnir ganga vel. „Ef við eigum toppleik og þeir ná ekki alveg að toppa, þá eigum við alltaf möguleika. "
Rúnar segist ekki öfunda íslensku leikmennina, heldur samgleðjast þeim.
„Ég er stoltur af þessu liði og stoltur af þjálfurunum. Þetta er stórkostlegt og stórkostlegur dagur fyrir Íslendinga að fá að vera þáttakandi í þessu," sagði Rúnar.
Viðtalið má sjá í heild sinni hér að ofan.
