„Annað markið þeirra gerði út um leikinn," sagði Pedro Hipolito, þjálfari ÍBV, eftir 5-1 tap gegn Íslandsmeisturum Vals í Pepsi Max-deildinni í dag.
Lestu um leikinn: Valur 5 - 1 ÍBV
ÍBV er á botni deildarinnar með fimm stig eftir sjö leiki eftir þetta tap á Hlíðarenda í dag.
„Við byrjuðum ekki vel í fyrri hálfleiknum. Valur er stórlið í erfiðri stöðu og þeir vildu nota þennan leik til að auka sjálfstraustið í liðinu. Þeir byrjuðu mjög vel og skoruðu. Við enduðum fyrri hálfleikinn vel og byrjuðum þann seinni vel og skoruðum mark. Annað markið þeirra jók sjálfstraustið þeirra mikið og við brugðumst ekki vel við því," sagði Pedro.
„Varnarmennirnir, miðjumennirnir og sóknarmennirnir gerðu það sem þeir gátu. Þetta var erfið vika fyrir okkur því það var stórt mót í Vestmannaeyjum og allir leikmenn okkar unnu á því móti. Þeir vinna mikið og þeir berjast. Við þurfum á skipulagi að halda og við glötuðum því."
Viðtalið er hér að ofan í heild sinni.
Athugasemdir