Celtic vann leikinn 1-0 og náði um leið átta stiga forskoti á Rangers á toppi deildarinnar.

Brown var í skýjunum með markið og hann hoppaði upp í stúku til að fagna ógurlega með stuðningsmönnum Celtic.

Þegar Brown skilaði sér aftur inn á völlinn fékk hann hins vegar sitt annað gula spjald í leiknum og þar með rautt.

Leikmenn mega ekki fara upp í stúku til að fagna og Brown þarf nú að taka út leikbann í næsta leik fyrir fagnaðarlæti sín.