Fótbolti.net

þri 03. janúar 2023 16:14

Sæbjörn Þór Þórbergsson Steinke

Espanyol mótmælir niðurstöðu leiksins - Illskiljanlegt að Lewandowski fékk að spila

Lewandowski lék sér með boltann á æfingu á dögunum.

Mynd: EPA

Úr leiknum gegn Espanyol.

Mynd: EPA

Í nóvember var Robert Lewandowski úrskurðaður í þriggja leikja bann fyrir rauða spjaldið sem hann fékk í leik Barcelona gegn Osasuna í upphafi mánaðarins. Lewandowski fékk tvö gul spjöld í leiknum og var seinna spjaldið fyrir olnbogaskot í andlit David Garcia. Aulaleikina tvo fékk Lewandowski vegna látbragðs í kjölfar rauða spjaldsins.

Lewandowski átti að taka út bannið í leikjum gegn Espanyol, Atletico Madrid og Getafe. Barcelona áfrýjaði banninu og var ekki komin niðurstaða eftir áfrýjunina þegar Barcelona mætti Espanyol í nágrannaslag í spænsku deildinni á gamlársdag. Barcelona fékk sérstakt leyfi til að spila Lewandowski í leiknum.

Pólski framherjinn spilaði þann leik og eru menn hjá Espanyol allt annað en sáttir með það. Leikurinn endaði með 1-1 jafntefli. Espanyol sendi frá sér yfirlýsingu eftir leikinn þar sem segir að félagið ætli sér að nýta öll möguleg úrræði til að verja sína hagsmuni. Félagið sendi svo inn kvörtun þar sem sagt er að niðurstaðan að leyfa Lewandowski að spila leikinn hafi verið ólögleg og mótmæltu úrslitum leiksins.

Rökin hjá Espanyol eru þau að Lewandowski fékk tvö gul spjöld í leiknum gegn Osasuna, hefði undir öllum kringumstæðum átt að fara í eins leiks bann eftir þá útilokun og hefði það bann átt að vera tekið út í næsta leik eftir hana, burtséð frá aukaleikjunum tveimur.

Xavi, stjóri Barcelona, sagði á fréttamannafundi í dag að hann væri bjartsýnn á að Lewandowski gæti spilað gegn Atletico á sunnudag. Lewandowski verður ekki með í bikarleiknum gegn Intercity CF á morgun.

Hann tjáði sig einnig um ákvörðunina að tefla fram Lewandowski á gamlársdag. „Við höfum ekki gert neitt nema fylgt leiðbeiningum frá dómara. Það er óvissa hjá okkur og leikmanninnum á meðan málið er í gangi, við bíðum eftir niðurstöðu um áfrýjunina. Við undirbjuggum leikinn gegn Espanyol þannig að hann myndi ekki spila en svo gat hann spilað."

Lewandowski kom til Barcelona frá Bayern Munchen síðasta sumar og hefur hann skorað þrettán mörk í fimmtán deildarleikjum.

Sjá einnig:
Spánn: Lahoz lyfti gula spjaldinu fimmtán sinnum í grannaslagnum
Xavi: Getum talað um dómarann en þetta er okkur að kenna

		L	U	J	T	ms:	mf:	mun	Stig
1	Barcelona	38	28	4	6	102	39	+63	88
2	Real Madrid	38	26	6	6	78	38	+40	84
3	Atletico Madrid	38	22	10	6	68	30	+38	76
4	Athletic	38	19	13	6	54	29	+25	70
5	Villarreal	38	20	10	8	71	51	+20	70
6	Betis	38	16	12	10	57	50	+7	60
7	Celta	38	16	7	15	59	57	+2	55
8	Osasuna	38	12	16	10	48	52	-4	52
9	Vallecano	38	13	13	12	41	45	-4	52
10	Mallorca	38	13	9	16	35	44	-9	48
11	Valencia	38	11	13	14	44	54	-10	46
12	Real Sociedad	38	13	7	18	35	46	-11	46
13	Alaves	38	10	12	16	38	48	-10	42
14	Getafe	38	11	9	18	34	39	-5	42
15	Espanyol	38	11	9	18	40	51	-11	42
16	Sevilla	38	10	11	17	42	55	-13	41
17	Girona	38	11	8	19	44	60	-16	41
18	Leganes	38	9	13	16	39	56	-17	40
19	Las Palmas	38	8	8	22	40	61	-21	32
20	Valladolid	38	4	4	30	26	90	-64	16