Fabian Hürzeler, stjóri Brighton, segist ekki vilja útiloka þann möguleika að endurkalla írska framherjann Evan Ferguson til baka úr láni frá Roma.
Gríski sóknarmaðurinn Stefanos Tzimas sleit krossband á dögunum og verður ekki meira með Brighton á leiktíðinni.
Þessi 19 ára sóknarmaður kom til Brighton frá Nürnberg fyrir 20 milljónir í sumar en meiddist gegn Aston Villa og er ekki búist við að hann verði klár fyrr en á næsta undirbúningstímabili.
Ferguson, sem var lánaður til Roma í sumar, gekk sjálfur í gegnum mikil meiðslavandræði hjá Brighton en er búinn að finna sitt gamla form á Ítalíu.
Hürzeler vildi ekki útiloka möguleikann á að fá hann aftur í hópinn.
„Evan er leikmaðurinn okkar og þess vegna verður hann alltaf möguleiki. Í augnablikinu er hann á láni, en við munum fylgjast með stöðunni. Við erum ánægðir með frammistöðu hans gegn Celtic og hann er klárlega möguleiki fyrir okkur,“ sagði Hürzeler.
Athugasemdir
