Þýska félagið Bayern München er að fylgjast með Sílemanninum Daríó Osorio, sem er á mála hjá danska félaginu Midtjylland, en þetta segir blaðamaðurinn Christian Falk á X.
Osorio er 21 árs gamall vængmaður sem hefur verið að gera það gott með Midtjylland, þar sem íslenski landsliðsmaðurinn Elías Rafn Ólafsson spilar.
Hann er eftirsóttur af mörgum toppliðum í Evrópu, en Bayern er talið leiða kapphlaupið.
Það er þó einn hængur á og það er að Bayern er með annan leikmann ofar á óskalistanum, en það er Said El Mala, liðsfélagi Ísaks Bergmann Jóhannessonar í Köln.
Ef það gengur ekki að fá hann í janúar eða næsta sumar mun Bayern reyna við Osorio sem hefur komið að fjórtán mörkum í 28 leikjum á þessari leiktíð.
Athugasemdir
