Freyr Alexandersson, þjálfari Brann í Noregi, var allt annað en sáttur við franska dómarann Willy Delajod í 4-0 tapinu gegn Fenerbahce í Evrópudeildinni á fimmtudag en hann kallaði Delajod hrokafullan og efaðist hegðun hans.
Delajod rak lykilmann Brann, Eivind Helland, af velli í fyrri hálfleiknum.
Sú ákvörðun breytti öllu fyrir Brann sem endaði á að hleypa á sig fjórum mörkum gegn tyrkneska stórveldinu.
Freyr ræddi við Viaplay eftir leikinn og vandaði dómaranum ekki kveðjurnar.
„Þetta er hrokafullur dómari og ég er aldrei hrifinn af því. Ég fékk gult spjald af því ég sýndi honum ekki virðingu. Þetta er alveg fáránlegt.“
„Hann hagaði sér furðulega. Hann segir við mig að ég hafi sýnt honum vanvirðingu, en ég sagði ekki orð við hann. Eftir leikinn sagðist ég ekki vera hrifinn af þessu, annars hefði ég ekki sagt neitt við hann.
„Þetta er ótrúlega ódýrt rautt spjald, en með VAR, þar sem hægt er að finna snertingu í hægri endursýningu, gæti þetta verið rautt spjald,“ sagði Freysi.
Brann er enn í ágætis málum þegar tveir leikir eru eftir af deildarkeppni Evrópudeildarinnar en liðið er með 8 stig í 22. sæti, og sem stendur í umspilssæti.
Athugasemdir
