David Moyes þjálfari Everton svaraði spurningum eftir tap gegn Chelsea í ensku úrvalsdeildinni í dag.
Moyes var ánægður með frammistöðu sinna manna þrátt fyrir tapið og segir að það hafi verið sárt að missa Kiernan Dewsbury-Hall í meiðsli snemma leiks.
„Það var þungt högg að missa Kiernan af velli vegna meiðsla en mér fannst við aðlagast vel. Úrslitin eru svekkjandi en mér fannst frammistaðan flott. Við gerðum margt mjög vel í dag," sagði Moyes eftir 2-0 tap.
„Við höfum verið góðir á útivelli á tímabilinu og við vorum aftur góðir í dag. Jack (Grealish) fékk frábært tækifæri til að jafna leikinn en skömmu síðar gáfum við þeim seinna markið og þá var þetta orðin meiri brekka. Þetta var ósanngjarnt útaf því að við höfðum verið að spila mjög vel.
„Ég get ekki skammast í leikmönnum með neitt nema gæðin á lokaþriðjungnum. Við getum ekki unnið leiki ef við nýtum ekki færin okkar og gerum ekki betur úr stöðunum sem við komumst í.
„Strákarnir gáfust aldrei upp og voru inni í leiknum allan tímann. Vonandi náum við betri úrslitum næst."
Moyes veit ekki hvort meiðslin hans Dewsbury-Hall séu alvarleg og er svekktur með að missa Iliman Ndiaye og Idrissa Gueye í nokkrar vikur vegna Afríkumótsins.
Athugasemdir
