Fótbolti.net

sun 14. desember 2025 15:58

Elvar Geir Magnússon

England: Ótrúlegt sjálfsmark, City vann, Rogers hetja og Tottenham fékk skell

Woltemade skoraði með stórglæsilegum skalla, en í eigið net!

Mynd: EPA

Erling Haaland og Phil Foden skoruðu.

Mynd: EPA

Morgan Rogers.

Mynd: EPA

Fjórum leikjum í sextándu umferð ensku úrvalsdeildarinnar var að ljúka. Þar á meðal Tyne-Wear grannaslag Sunderland og Newcastle.

Þar var staðan markalaus eftir gæðalítinn fyrri hálfleik en í upphafi þess seinni komst Sunderland yfir með ótrúlegu sjálfsmarki Nick Woltemade. Þjóðverjinn átti stórglæsilegan skalla en því miður fyrir hann var hann á eigið mark.

Þetta mark reyndist eina mark leiksins og Sunderland komst upp í sjöunda sæti. Newcastle er í því tólfta.

City heldur áfram að elta Arsenal
Erling Haaland skoraði tvö mörk fyrir Manchester City í 3-0 útisigri gegn Crystal Palace. Sá norski kom City yfir með skallamarki en Phil Foden skoraði síðan sjöunda deildarmark sitt á tímabilinu. Sex af þeim hafa komið í síðustu fjórum leikjum. Funheitur strákurinn.

Savinho krækti í víti í lokin. Haaland fór á punktinn og skoraði. City heldur áfram að elta Arsenal og er tveimur stigum frá toppsætinu.

14.12.2025 14:28

Sneggsta mark tímabilsins til þessa

Rogers hetja Villa
Aston Villa lenti tvisvar undir gegn West Ham en vann sigur. Fyrsta mark leiksins kom eftir aðeins 29 sekúndna leik. Morgan Rogers reyndist hetja Villa en hann jafnaði 2-2 og skoraði svo stórglæsilegt sigurmark á 79. mínútu. Villa er í þriðja sæti, stigi frá City, og heldur áfram í titilbaráttu. West Ham er hinsvegar í fallsæti.

Forest skellti Tottenham
Nottingham Forest skellti Tottenham 3-0. Callum Hudson-Odoi kom boltanum tvívegis framhjá Guglielmo Vicario, markverði Tottenham, sem átti mjög slakan leik.

Þetta var stærsti sigur Forest gegn Spurs síðan 1987, Dýrmætur sigur fyrir Forest sem náði að fjarlægast fallsvæðið en Tottenham situr í ellefta sæti.

Úrslit:

Sunderland 1 - 0 Newcastle
1-0 Nick Woltemade ('46 , sjálfsmark)

Crystal Palace 0 - 3 Manchester City
0-1 Erling Haaland ('41 )
0-2 Phil Foden ('69 )
0-3 Erling Haaland ('88 , víti)

West Ham 2 - 3 Aston Villa
1-0 Mateus Fernandes ('1 )
1-1 Konstantinos Mavropanos ('9 , sjálfsmark)
2-1 Jarrod Bowen ('24 )
2-2 Morgan Rogers ('50 )
2-3 Morgan Rogers ('79 )

Nott. Forest 3 - 0 Tottenham
1-0 Callum Hudson-Odoi ('28 )
2-0 Callum Hudson-Odoi ('50 )
3-0 Ibrahim Sangare ('79 )

		L	U	J	T	ms:	mf:	mun	Stig
1	Arsenal	31	21	7	3	61	22	+39	70
2	Man City	30	18	7	5	60	28	+32	61
3	Man Utd	31	15	10	6	56	43	+13	55
4	Aston Villa	31	16	6	9	42	37	+5	54
5	Liverpool	31	14	7	10	50	42	+8	49
6	Chelsea	31	13	9	9	53	38	+15	48
7	Brentford	31	13	7	11	46	42	+4	46
8	Everton	31	13	7	11	37	35	+2	46
9	Fulham	31	13	5	13	43	44	-1	44
10	Brighton	31	11	10	10	41	37	+4	43
11	Sunderland	31	11	10	10	32	36	-4	43
12	Newcastle	31	12	6	13	44	45	-1	42
13	Bournemouth	31	9	15	7	46	48	-2	42
14	Crystal Palace	30	10	9	11	33	35	-2	39
15	Leeds	31	7	12	12	37	48	-11	33
16	Nott. Forest	31	8	8	15	31	43	-12	32
17	Tottenham	31	7	9	15	40	50	-10	30
18	West Ham	31	7	8	16	36	57	-21	29
19	Burnley	31	4	8	19	33	61	-28	20
20	Wolves	31	3	8	20	24	54	-30	17