Ítalska Serie A hefst aftur eftir HM hléið á morgun með heilli umferð en þar mætast meðal annars Inter og Napoli.
Napoli er á toppi deildarinnar og hefur unnið 13 leiki og gert tvö jafntefli í fimmtán leikjum.
Hinn 21 árs gamli Khvicha Kvaratskhelia gekk til liðs við félagið í sumar og hefur farið hamförum í deildinni. Hann er kominn með sex mörk og fimm stoðsendingar í 12 leikjum.
Kvaratskhelia eða Kvaradona eins og hann er kallaður elskar lífið í Naples.
„Borgin lifir fyrir fótbolta. Allir í Napoli skilja fótbolta. Sem leikmaður er það hvetjandi þegar öll borgin er að hvetja okkur og sýnir stöðugt ást sína á manni," sagði Kvaratskhelia.
Athugasemdir
