Rangers er búið að reka Russell Martin úr þjálfarastöðu félagsins eftir hörmulega byrjun á nýju tímabili. Martin var ráðinn 5. júní og entist því nákvæmlega fjóra mánuði í starfi.
Skoska stórveldið hefur farið ótrúlega illa af stað á nýju tímabili og var 1-1 jafntefli gegn Falkirk um helgina dropinn sem fyllti mælinn.
Stuðningsmenn Rangers eru brjálaðir út í Martin fyrir lélega frammistöðu liðsins og stjórnina fyrir að hafa ráðið hann í starfið. Hópur þeirra var svo reiður eftir jafnteflið á útivelli gegn Falkirk að menn ákváðu að bíða eftir Martin hjá bílnum hans sem var lagður á bílaplaninu.
Martin þurfti því mikla lögreglufylgd á leið sinni af leikvanginum til að forðast að átök brytust út.
Rangers hefur aðeins sigrað einn leik á upphafi deildartímabilsins og situr afar óvænt í neðri hluta skosku deildarinnar með 8 stig eftir 7 umferðir. Þar að auki er liðið búið að tapa fyrstu tveimur leikjum sínum í Evrópudeildinni gegn Genk frá Belgíu og Sturm Graz frá Austurríki.
Russell Martin required a police escort from Falkirk’s stadium as Rangers fans gathered around his car
byu/Woodstovia insoccer
Athugasemdir
