Guðrún Arnardóttir skoraði fyrir Braga í 3-2 tapi gegn fimmföldum deildarmeisturum Benfica í portúgölsku deildinni í dag.
Benfica þurfti á öllum kröftum sínum að halda gegn sterku liði Braga sem var með tvo Íslendinga í byrjunarliðinu.
Ásdís Karen Halldórsdóttir byrjaði í fremstu víglínu og þá var Guðrún Arnardóttir í vörninni.
Sú síðarnefnda skoraði annað mark Braga og jafnaði metin þegar lítið var eftir af leiknum en meistarar finna alltaf leiðir til að vinna leiki.
Sigurmarkið kom á annarri mínútu í uppbótartíma en það gerði norski miðjumaðurinn Rachel Engesvik.
Benfica er á toppnum með 19 stig en Braga er í 4. sætinu með 8 stig.
Athugasemdir
