Bayern heimsótti skemmtilegt lið Stuttgart á MHP-Arena sem hafði skorað í öllum deildarleikjum sínum fram að stórleiknum gegn Bayern.

Konrad Laimer kom gestunum í Bayern yfir á 11. mínútu leiksins eftir undirbúning Michael Olise og þá batt Harry Kane endi á tveggja leikja markaþurrð.

Hann fékk boltann frá Joshua Kimmich á miðsvæðinu, keyrði upp að teignum og hamraði boltanum síðan neðst í vinstra hornið. Fimmtánda deildarmark hans á tímabilinu.

Josip Stanisic skoraði þriðja mark Bayern á 78. mínútu eftir skelfileg mistök Alexander Nubel í markinu og fullkomnaði Kane þá þrennu sína með einu vítaspyrnumarki og svo þriðja markinu eftir stoðsendingu Olise.

Bayern er á toppnum með 37 stig eftir þrettán leiki.

Augsburg lagði Bayer Leverkusen að velli, 2-0. Þetta var annað tap Leverkusen í röð í deildinni eftir rafmagnaða byrjun undir stjórn Hjulmand.

Leverkusen er í 4. sæti með 23 stig en Augsburg í 13. sæti með 13 stig.

Ísak Bergmann Jóhannesson kom inn af bekknum í síðari hálfleik er Köln gerði 1-1 jafntefli við St. Pauli. Said El Mala skoraði eina mark Köln í leiknum, en á lokamínútunum jöfnuðu gestirnir metin og fjórði leikurinn í röð þar sem Köln tekst ekki að vinna andstæðing sinn.

Köln er í 8. sæti með 16 stig.

Wolfsburg 3 - 1 Union Berlin
1-0 Patrick Wimmer ('10 )
2-0 Mohamed Amoura ('30 )
3-0 Lovro Majer ('59 )
3-1 Stanley Nsoki ('68 )
3-1 Leopold Querfeld ('90 , Misnotað víti)

Stuttgart 0 - 5 Bayern
0-1 Konrad Laimer ('11 )
0-2 Harry Kane ('66 )
0-3 Josip Stanisic ('78 )
0-4 Harry Kane ('82 , víti)
0-5 Harry Kane ('88 )
Rautt spjald: Lorenz Assignon, Stuttgart ('81)

Heidenheim 2 - 1 Freiburg
0-1 Johan Manzambi ('40 )
1-1 Patrick Mainka ('59 )
2-1 Stefan Schimmer ('90 )

Augsburg 2 - 0 Bayer
1-0 Dimitrios Giannoulis ('6 )
2-0 Anton Kade ('28 )

Koln 1 - 1 St. Pauli
1-0 Said El Mala ('51 )
1-1 Ricky-Jade Jones ('90 )