Fotbolti.net
09.08.18 - 17:04
Guðmundur Aðalsteinn Ásgeirsson

Joe Bryan til Fulham (Staðfest)

Vinstri bakvörður, 24 ára, sem kemur frá Bristol City.

Vinstri bakvörður, 24 ára, sem kemur frá Bristol City.

Canon

Mynd: Fulham

Fulham var að ganga frá kaupum á bakverðinum Joe Bryan frá Bristol City í Championship-deildinni.
Bryan skrifar undir fjögurra ára samning við Fulham og kostar hann í kringum 6 milljónir punda.

Bryan, sem er 24 ára gamall, er uppalinn hjá Bristol City og hefur leikið með aðalliðinu þar frá 2011 en hefur verið í lykilhlutverki síðustu tvö tímabil.

Mörg félög sýndu honum áhuga og var á tímabili talið að hann væri á leið til Aston Villa. Fulham náði hins vegar að kaupa hann.

Bristol City fær Jay DaSilva á láni frá Chelsea og kemur hann til með að fylla skarð Bryan.

Fulham er nýliði í ensku úrvalsdeildinni, en félagið hefur farið mikinn á félagaskiptamarkaðnum í sumar. Áðan var lánssamningur við markvörðinn Sergio Rico staðfestur og þá er miðjumaðurinn Andre-Frank Zambo Anguissa að koma frá Marseille á 30 milljónir punda.

Félagaskiptaglugginn lokaði á Englandi klukkan 16:00 en félög geta fengið frest til 18:00 ef þau skila inn pappírum á réttum tíma.

WAIT, YOU WANT SOME MORE?! 🤔#BRYLLIANT pic.twitter.com/L2S37bjC5l

— Fulham Football Club (@FulhamFC) August 9, 2018

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.