Lengjudeild kvenna: Skoraði þrennu í sigri ÍA

Alexa Maletis skoraði þrennu er ÍA vann Selfoss, 5-1, í Lengjudeild kvenna í kvöld.

Skagakonur fengu draumabyrjun er Erna Björt Elíasdóttir kom þeim yfir á 13. mínútu. Alexa kom þeim í þriggja marka forystu með tveimur mörkum á sex mínútum um miðjan fyrri hálfleikinn og var staðan 3-0 þegar flautað var til loka hálfleiksins.

Steve Madonna Reynolds minnkaði muninn fyrir Selfoss á 49. mínútu en níu mínútum síðar fullkomnaði Alexa þrennuna og er hún nú markahæst í deildinni með átta mörk á fyrsta tímabili sínu með liðinu.

ÍA náði í fimmta markið undir lok leiks er Sophie Guilmette, leikmaður Selfyssinga, setti boltann í eigið net og þar við sat.

Þetta var þriðji sigur ÍA í deildinni en liðið er nú í 4. sæti með 10 stig, fimm stigum frá toppnum á meðan Selfoss er í 7. sæti með 7 stig.