Spænska knattspyrnusambandið hefur hafnað beiðni Malaga um að fresta leik liðsins gegn Cadiz í spænsku B-deildinni um helgina.
Malaga segist ekki eiga nægilega marga leikhæfa leikmenn til að spila leikinn vegna meiðsla, leikbanna og landsliðsverkefna.
Malaga segist ekki eiga nægilega marga leikhæfa leikmenn til að spila leikinn vegna meiðsla, leikbanna og landsliðsverkefna.
Reglurnar á Spáni segja að minnsta kosti sjö leikmenn í byrjunarliðinu verði að vera úr aðalliðinu og því getur Malaga ekki notað nema hluta af leikmönnum úr unglingaliðinu.
Malaga er í gífurlegum fjárhagsvandræðum en félagið þarf að fá fimm milljónir punda fyrir janúar til að forðast gjaldþrot.
Á dögunum varð félagið að láta japanska framherjann Shinji Okazaki fara þar sem ekki var hægt að tryggja að hann myndi fá laun sín útborguð.
Á síðasta tímabili var Reus rekið úr spænsku B-deildinni vegna fjárhagsvandræða og Malaga gæti nú farið sömu leið.
Athugasemdir