„Það var mjög svekkjandi að taka bara eitt stig úr þessum leik. Mér fannst við eiga skilið að fá þrjú stig. Við áttum fleiri opin færi og vörðumst vel mest allan leikinn," sagði Hildur Antonsdóttir, landsliðskona, um jafnteflið gegn Noregi í Þjóðadeildinni á dögunum.
Liðið mætir Frakklandi í lokaleik keppninnar á Laugardalsvelli en það er nýbúið að leggja nýtt hybrid gras á völlinn.
„Við erum mjög spenntar að fá að vígja grasið. Við löbbuðum niður áðan og það lítur ekkert smá vel út. Geggjað að taka síðasta heimaleikinn fyrir EM á nýju grasi," sagði Hildur.
Liðið þarf að vinna leikinn til að eiga möguleika á að ná 2. sætinu af Noregi.
„Við förum aldrei inn í leik með hugsun um að tapa. Við ætlum að leggja alla orku í þennan leik og reyna ná þremur stigum," sagði Hildur.
Athugasemdir
