Man Utd ætlar að selja Antony - Zirkzee til Arsenal?
Útvarpsþátturinn - Kraftur í KR og umdeild dómgæsla
Enski boltinn - El Meistaradeildarveisla
Innkastið - Fljúgandi start og fullar stúkur
Hugarburðarbolti Þáttur 11
Mögnuð saga Diljár - Næstum hætt en ætlar nú á EM með Íslandi
Útvarpsþátturinn - Besti upphitunarþátturinn
Niðurtalningin - Gylfi Sig mættur á Hlíðarenda
Niðurtalningin - Bara ein leið til að toppa síðasta tímabil
Hugarburðarbolti Þáttur 10
Enski boltinn - Ekki bara bestu kaup tímabilsins
Niðurtalningin - Ungu strákarnir þekkja ekkert annað
Niðurtalningin - Höfðinginn og Sörens hlæja að spánni
Niðurtalningin - Tími breytinga á Meistaravöllum
Niðurtalningin - F er fyrir fótbolta og H er fyrir Hödda Magg
Enski boltinn - Óhefðbundið topplið
Niðurtalningin - Stór prófíll norður eftir heldur rólegan vetur
Niðurtalningin - Þungamiðja menningar í hverfinu
Hugarburðarbolti þáttur 9
Útvarpsþátturinn - Vetrarverðlaunin og enska hringborðið
Niðurtalningin - Tveir vendipunktar síðasta sumar
   fim 08. febrúar 2024 15:17
Guðmundur Aðalsteinn Ásgeirsson
Var að plana að flytja upp á Skaga en svo breyttist allt snögglega
Gísli Eyjólfs tekst á við nýja og spennandi áskorun í Svíþjóð
Gísli Eyjólfsson.
Gísli Eyjólfsson.
Mynd: Halmstad
Gísli Eyjólfsson var í vikunni kynntur sem nýr leikmaður sænska úrvalsdeildarfélagsins Halmstad. Hann er annar leikmaðurinn sem Halmstad fær frá Íslandi í vetur því í síðasta mánuði fékk liðið Birni Snæ Ingason, besta leikmann Bestu deildarinnar 2023, í sínar raðir frá Víkingi.

Gísli hefur undanfarin ár verið algjör lykilmaður í liði Breiðabliks. Hann skoraði þrjú mörk í 15 Evrópuleikjum og sjö mörk í Bestu deildinni á liðinni leiktíð. Hann lagði upp fjögur mörk í deildinni, eitt í Evrópu og eitt í Mjólkurbikarnum.

Gísli ræddi í dag við Fótbolta.net um skiptin en hægt er að hlusta á spjallið í heild sinni í spilaranum fyrir ofan.

„Þetta leggst ótrúlega vel í mig. Það er virkilega gaman að fá nýja áskorun og gaman að prófa eitthvað nýtt á þessum tímapunkti," segir Gísli.

„Ég var búinn að frétta af áhuga um jólin, en svo var ekkert meira en það. Svo fór allt í gang í seinustu viku. Ég og Anna, kærasta mín, vorum búin að ræða það ef það myndi eitthvað svona koma upp, hvort við værum klár í ævintýri með börnunum í útlöndum. Þetta félag og þetta hverfi heillaði okkur mjög mikið."

Gísli, sem er 29 ára gamall, fær núna þetta spennandi tækifæri eftir að hafa verið einn besti leikmaður efstu deildar á Íslandi í fjölda ára.

„Það hefur alveg kitlað mann síðastliðið eitt eða tvö ár að prófa að fara erlendis. Það hefur gengið vel hjá Breiðabliki og það hefur verið einhver áhugi. Þegar þetta kom upp, þá var maður klár í það. Mér leið rosalega vel í Breiðabliki og var sáttur þar. Þetta þurfti að vera virkilega spennandi, heillandi og góður staður fyrir fjölskylduna. Ég vissi að það yrði langsótt að fara í atvinnumennsku á þessum tímapunkti. Það sem ég var að plana var að flytja upp á Skaga með fjölskylduna og hafa það kósý þar. En þegar þetta gerist, þá breytist allt með því," segir Gísli.
Athugasemdir
banner
banner